Ka vu prizas Ron Paul?

Ka vu konocas Ron Paul? Lu esas kandidato por prezidanto di Usa en 2008. Recente lu esas tre populara pro esar (e esir) kontre la milito en Irak, pro esar kontre preske omna imposti, e sua penso ke Usa ne devas esar en altra landi ma sempre en sua propra lando: kurte ke Usa ne devas esar imperio.

Lu esas kandidato por la Republikala Partiso, ma esas tote diferanta (yes, vere tote diferante) del altra kandidati, forsan tre simila a Goldwater, se vu memoras lu.

De sua populeso Ron Paul recente ganas la maxim multa pekunio de omna kandidati en la partiso, ed anke havas tre forta 'grassroots', to esas suportanti qui laboras sen pekunio e sen direktado del kampanio. Novembro 5 eventis 'pekunio-bombo' (money bomb) en qua lu ganis 4.5 milion dolari en nur un dio, nova rekordo. Decembro 16 eventos plu granda pekunio-bombo, la sama dio kun la historiala teo-partio. En Europa anke (en Strasbourg) eventos teo-partio por Ron Paul por ti qui prizas lu, pro ke Europani ne darfas donar pekunio a Ron Paul, ma li darfas skribar, parolar, e suportar lu kun altra metodi.

Kad Europani savas pri Ron Paul? Se vu konocas lu, quale vu pensas?